बोर्डी नदी पुलाला पुराने गेले तडे. माटरगाव खुर्दच्या सरपंचांची तातडीच्या दुरुस्तीची मागणी..!

 

बोर्डी नदी पुलाला पुराने गेले तडे.

माटरगाव खुर्दच्या सरपंचांची तातडीच्या दुरुस्तीची मागणी

▶ माटरगाव बु तालुक्यात गेल्या २ दिवसापासून झालेल्या मुसळधार पावसामुळे अनेक नदी-नाल्यांना पूर आला. माटरगाव खुर्द येथील बोर्डी नदीवरील पुलाचे मोठे नुकसान झाल्याचे समोर आले. पुलाच्या संरचनेला तडे गेल्याने तसेच संरक्षण भिंतीचे नुकसान झाल्याने नागरिकांच्या सुरक्षिततेचा प्रश्न निर्माण झाला. या पार्श्वभूमीवर माटरगाव खुर्दचे सरपंच यांनी संबंधित प्रशासनाकडे तातडीने पाहणी करून दुरुस्तीची कामे हाती घेण्याची मागणी केली.

माटरगाव खुर्द गावाला परिसरातील अनेक गावांशी जोडणारा हा पूल वाहतुकीच्या दृष्टीने अत्यंत महत्त्वाचा आहे. दररोज शेतकरी, विद्यार्थी, व्यापारी तसेच ग्रामस्थ या पुलाचा वापर करतात. मात्र, अलीकडील अतिवृष्टीमुळे बोर्डी नदीला आलेल्या प्रचंड पुराच्या पाण्याचा जोर पुलावर पडल्याने पुलाच्या बाजूचा भराव वाहून गेला असून काही ठिकाणी संरक्षक कठडे आणि भिंतीचे नुकसान झाले.

त्यामुळे पुलावरून प्रवास करणे धोकादायक बनले.

ग्रामस्थांनी पुलाच्या नुकसानीबाबत चिंता व्यक्त करत प्रशासनाने तातडीने तांत्रिक पाहणी करून आवश्यक ती दुरुस्ती करावी, अशी मागणी केली. विशेषतः आणखी पाऊस झाल्यास पुलाचे नुकसान वाढण्याची भीती व्यक्त होत आहे. त्यामुळे मोठा अपघात होण्यापूर्वी प्रतिबंधात्मक उपाययोजना करणे आवश्यक असल्याचे नागरिकांचे म्हणणे आहे.

सरपंचांनी सार्वजनिक बांधकाम विभाग, महसूल प्रशासन आणि जिल्हा प्रशासनाचे

लक्ष या गंभीर समस्येकडे वेधले. पुलाची तातडीने दुरुस्ती, संरक्षक भिंतीचे पुनर्बाधकाम आणि सुरक्षित वाहतुकीसाठी आवश्यक उपाययोजना करण्याची मागणी केली. तसेच पुलाची तांत्रिक तपासणी पूर्ण होईपर्यंत आवश्यक असल्यास जड वाहनांच्या वाहतुकीवर निर्बंध घालावेत, अशीही मागणी करण्यात आली.

दरम्यान, प्रशासनानेही पुलाची पाहणी करून नुकसानीचा अहवाल तयार करण्याची प्रक्रिया सुरू केल्याची माहिती मिळाली असून नागरिकांनी खबरदारी म्हणून पुलावरून प्रवास करताना सतर्कता बाळगावी, असे आवाहन करण्यात आले.

मुख्यसंपादक :- नितीन सूर्यभान वाकोडे ९९७५९६९२०५